"Манчестер Сити" клубының бас бапкері Хосеп Гвардиола мен оның жары Кристина Серра ажырасу туралы шешім қабылдады.
La Gazzetta dello Sport басылымының хабарлауынша, жұп былтырғы жылдың желтоқсан айынан бері ажырасу мүмкіндігін ойластырған, алайда сол кезде қарым-қатынасына екінші мүмкіндік беруді жөн көрген. Алайда, бұл әрекеттер еш нәтиже бермеген.
Гвардиола мен Серраның қарым-қатынасына биыл отыз жыл толған еді. Ажырасуға басты себеп – сезімнің суып кетуі. Пеп Манчестерде тұрақты тұрса, ал Серра көбіне Барселона мен Лондонда болған. Екеуі тек отбасылық мерекелер мен қысқа демалыстарда ғана бірге уақыт өткізген.
Ақпарат көзінің мәліметінше, ажырасу туралы ресми келісімге тараптар алдағы апталарда қол қояды деп күтілуде.
