Футболдан Украина құрамасының қақпашысы Георгий Бущан Еуропа чемпионатының плей-офф кезеңіндегі Швециямен болған матчтан (2:1) кейінгі әсерімен бөлісті.
– Ойынның алдында украиналық футболшылар Австриямен болған ойын нәтижесі салдарынан қобалжулы көрінді. Жеңістен соң иықтан ауыр жүк түскендей болды ма?
– Бұл қысымды біз өзіміз ойлап таптық. Жанкүйерлердің қолдауын сезінгендіктен, жеңіс үшін барымызды беруге дайын болдық.
– Алғашқы әсеріңіз қалай? Еліңіз үшін мақтанасыз ба? Эмоцияңызбен бөліссеңіз.
– 9 айдан соң елімізде бала туу көрсеткіші артса екен деймін.
– Пенальти сериясына іштей дайын болдыңыз ба?
– Командамның аяғына дейін қысым көрсететініне сендім. Бірақ менің бір құпиям бар – бөтелкемнің сыртына Швеция құрамасының ойыншылар тізімін жазып алғам. Олардың нөмірлері мен қай бұрышқа тебетіндіктерін түртіп қойған болатынмын.
– Швециялық ойыншылар қақпа бағанасы мен маңдайшасына доптардың тигенін тілге тиек етті. Украинаның жолы болып кетті ме?
– Қақпа бағанасына біз де тигіздік. Ольсеннің қақпасы маңайында біз де қауіпті сәттер жасадық, дегенмен оларды голға айналдыра алмадық. Біз ойынды бақылауда ұстадық және аз қателік жібердік.
Наурызбай Сатжанов
