Футболдан Бразилия құрамасының бас бапкері Луис Фелипе Сколари өз алаңдарында өтетін Конфедерация Кубогына қатысатын футболшылардың тізімін жариялады.
Бұл тізімге Сколари «Зениттің» шабуылшысы Халкты қосыпты. Сондай-ақ, Неймар, Оскар, Данте секілді жас ойыншылардың есімдері де бұл тізімде бар. Бірақ, бапкер Бразилия құрамасының ардагер ойыншылары Роналдиньо («Атлетико Минейро») мен Кака («Реал»), сондай-ақ бірнеше жас ойыншылар Алешандре Пато («Коринтианс»), Гансо («Сан-Паулу»), Рафаэль («Манчестер Юнайтед») және Рамиресті («Челси») тізімге енгізбеген екен.
Бразилия құрамасының Конфедерация Кубогына қатысатын толық құрамы мынадай:
Қақпашылар: Диего Кавальери («Флуминенсе»), Джефферсон («Ботафого»), Жулио Сезар («КПР»);
Қорғаушылар: Дани Алвес («Барселона»), Филипe Луис («Васко да Гама»), Марсело («Реал»), Жеан («Флуминенсе»), Давид Луис («Челси»), Данте («Бавария»), Ревер («Атлетико Минейро»),Тьяго Силва («ПСЖ»);
Жартылай қорғаушылар: Фернандо («Гремио»), Жадсон («Сан-Паулу»), Эрнанес («Лацио»), Луис Густаво («Бавария»), Оскар («Челси»), Паулиньо («Коринтианс»), Бернард («Атлетико Минейро»);
Шабуылшылар: Фред («Флуминенсе»), Халк («Зенит»), Лукас Моура («ПСЖ»), Неймар («Сантос»), Леандро Дамиао («Интернасьонал»).
Айта кетейік, Бразилия құрамасы Конфедерация Кубогында А тобына түскен. Енді Әлемнің бес дүркін чемпиондары бұл топта Италия, Мексика және Жапониямен күш сынасатын болады.
Дайындаған: Уалихан Қосанбай massaget.kzБіздің серіктес: FONBET
