Jacob Neestrup
Даниялық ұжымның бас бапкері Якоб Неструп матч алдында "Қайрат" жайлы пікір білдірді, деп хабарлайды, Aladop.kz.
Даниялық маман Қазақстандық қарсыласына құрметпен қарайтынын айтты.
"Олар өте мықты команда. Физикалық тұрғыдан қуатты, агрессиясы жоғары ойнайды. Алдыңғы шепте өте талантты ойыншылары бар, әсіресе Сәтпаев – ерекше жас шабуылшы, оны ойын үстінде көруге асықпын.
Бұрын да айтқанмын, Чемпиондар лигасына ұзақ іріктеу жолымен келген командаларға үлкен құрметпен қараймын. Оның үстіне олар плей-оффта "Селтикті" жарыстан шығарды. Сондықтан олар жақсы команда. Бірақ біз де алғашқы жеңісімізді алуға барымызды саламыз." – деді ол.
