Соңғы екі-үш күнде мақтауын асырған ресейлік қақпашы қатардан шығып қалды.
ФИФА-ның Интерконтиненталь Кубогы финалында қатарынан 4 пенальтиді қайтарған қақпашы Матвей Сафонов жеңісті тойлату барысында қолын сындырып алыпты. Ол 1 айға жуық уақыт лазаретте емделетін болады.
Айта кетейік, 26 жастағы қақпашы “Фламенгоға” қарсы пенальти сериясында қатарынан 4 соққы қайтарған тарихтағы алғашқы қақпашы болды. ФИФА аясында өткізілген турнирлердің бірде-бірінде бұндай көрсеткіш тіркелмеген.
Еске салсақ, Матвей бұған дейін “ПСЖ” негізгі құрамында 4 матч өткізген болатын. Көбінде ресейлік позиция бойынша басты қарсыласы Лука Шевальенің көлеңкесінде қалып қойып жүрді.
