Виктор Кумыков
"Қайсар" клубының бас бапкері Виктор Кумыков KFF League басылымына берген сұхбатында өзінің ойынша өткен маусымның ең үздік бапкері кім екенін атады.
Кумыковтың айтуынша, биылғы маусымда Рафаэль Уразбахтиннен басқа клубымен жоғары нәтижелерге жеткен маман болған жоқ.
"Ең үздік бапкер кім дегенге жауап айқын деп ойлаймын — ол "Қайраттың” жаттықтырушысы Рафаэль Уразбахтин. Ол командасымен бірге чемпиондық атағын қорғап қана қоймай, клуб тарихында алғаш рет Чемпиондар лигасының негізгі кезеңіне жолдама алды. Басқа бапкерлердің ешқайсысы мұндай жетістікке жете алған жоқ." — деді Кумыков.
