"Аль-Наср" және Португалия құрамасының шабуылшысы Криштиану Роналду алдағы маусымда бірқатар матчтарға қатыспайды.
Сауд Арабиясының журналисі Фалах Әл-Кахтанидің әлеуметтік желілердегі ақпаратына сәйкес, 40 жастағы футболшы Португалиялық бапкер Жорже Жезушпен әңгімелесіп, маңызы төмен ойындарда өз денсаулығын сақтау үшін кей матчтарды өткізіп жіберуге келіскен.
Роналдудың жас ерекшелігін ескере отырып, бапкер мен ойыншы оның ұсыныстарын мұқият бақылауға алуды жөн көрген.
2024/2025 маусымында Криштиану бірқатар кездесулерге шаршауға байланысты қатыса алмаған.
Осындай жағдайлардың алдын алу үшін шабуылшы барлық ойындардың кемінде 25 пайызын жіберуге келісім берді. Роналду жарақаттардан аулақ болып, әлем чемпионатына ең жақсы формасында барғысы келеді.
Айта кетейік, Сауд Арабия чемпионаты 21 тамызда басталады.
