Бұл жолы Самара ұжымы ішкі чемпионатта “Ростовтан” басым түсті.
Магомед Адиев баптайтын команда РПЛ 3-туры аясында “Ростовқа” қонаққа барып, алаң иелерінен 1:4 есебімен жеңді. Матч барысында Раков 2+1 (гол+пас) нәтижесін тіркеді.
Айта кетейік, “Крылья” осыған дейін ішкі чемпионатта Пари НН ұжымынан 2:0 есебімен айласын асырған болатын. Осы кездесулерден кейін “Советов” 7 ұпаймен турнир кестесінде 1 орынға шықты. Самара ұжымы артынан мәскеулік “Локомотив” келеді (6 ұпай).
Кезінде Қазақстан құрамасын жаттықтырған бапкердің нұсқаулығымен “Крылья” жаңа маусымды өте сәтті бастады. Мәселен, ресейлік ұжым чемпионаттағы 3 ойын мен Кубоктегі 1 кездесуді жеңіліссіз аяқтады.
Ендігі кезекте самаралықтар 9 тамыз күні “Балтиканы” өз алаңында қонақ қылады.
