Қуан Қызылорда! 11 мың жанкүйерге арналған халықаралық деңгейдегі стадион есігін айқара ашпақ

11 мың көрерменге арналған жаңа спорттық нысан заманауи жабдықтармен толық қамтамасыз етіліп, УЕФА талаптарына сай салынған. Жалпы аумағы – 20 мың шаршы метр. Стадион тек футбол матчтарын ғана емес, түрлі спорт түрлерін дамытуға мүмкіндік береді.

Кешен құрамында:

• футбол алаңы,
• бокс, дзюдо, грек-рим және еркін күрес залдары,
• фитнес, спорттық гимнастика, таэквондо, ауыр атлетикаға арналған жаттығу орындары бар.

Стадион ғимараты үш қабаттан тұрады:

• 1-қабатта – жаттығу залдары,
• 2-қабатта – әкімшілік бөлмелер,
• 3-қабатта – спортшыларға арналған бөлмелер мен оқу-жаттығу жиындарын өткізу орындары.

Бұл нысанның ерекшелігі – халықаралық деңгейдегі жарыстарды қабылдауға толық мүмкіндік беруінде. Енді Қызылордалық жанкүйерлер әлемдік деңгейдегі спорт додаларын өз қаласында тамашалай алады.