Мадридтік «Реалдың» қақпашысы Тибо Куртуа «Барселонаның» шабуылшысы және капитаны Лионель Мессидің ойынына қатысты ойымен бөлісіп, аргентиналықты «Ювентус» шабуылшысы Криштиану Роналдумен қатар футбол тарихындағы ең үздік ойыншылардың бірі деп атады.
«Месси сияқты ойыншы бір нәрсе жасауға ниеттенеді, бірақ соңғы секундта өз ойын өзгертіп, барлығын алдап өтуі мүмкін. Сіз оның ойын оқи алмайсыз. Ол Криштиану Роналдумен қатар тарихтағы ең үздік ойыншылардың бірі. Бұл ойыншыларға қарсы ойнау өте жағымды әсер қалдырады. Содан кейін мен балаларым мен немерелеріме оларға қарсы ойнағанымды және оларды кейбір жетістіктерінен айырғанымды айта аламын», - деді Куртуа Marca-ға берген сұхбатында.
Бүгін, 24 қазанда Испания чемпионатының 7-турында «Реал» «Барселонамен» кездеседі. Матч Нұр-Сұлтан уақытымен 20:00-де басталады.
Біздің серіктес: FONBET
