Қызылордадағы қырқыс - «Қайсар» 2:0-мен алда тұрып, жеңісті уысынан шығарып алды

Виктор Кумыковтың командасы ойынға жақсы «кірген» - ұлттық команда жаққан Жақсылықов дубль авторы атанды. Айбар алдымен ойыннан гол салса (20-минут) бірінші тайм түгесілер тұста пенальтиден есепті еселей түсті 38 (2:0). Бірақ екінші тайм басында Темірлан Мырзағалиевтің алаңнан қуылуы «Қайсардың» бүкіл еңбегін зая етті. Қонақтар осыдан кейін қарқын алып, жағдайды түзеуге көшті. Алдымен көкшетаулық клубтың капитаны есеп айырмасын қысқартса (59-минут) ойынның аяқталуына санаулы минут қалғанда Страхиния Иованович таразы басын теңестірді 89 (2:2). 

Сонымен, үш турдан кейін «Оқжетпес» 4 ұпайға иелік етсе, «қасқырларда» екі ұпай бар. 

Командалардың негізгі құрамы: 

«Қайсар»: Салайдин, Кеңесбек, Төлегенов, Мұрзағалиев, Қалмуратов, Әбікен, Нәрзілдаев, Алтынбеков, Жалмуқан, Ағзамбаев, Жақсылыков;

«Окжетпес»: Төлепберген, Идрисов, Даиров, Прце, Досмағанбетов, Дарабаев, Марат, Жұмат, Тәжібай, Адахаджиев, Мұхамед.