Лихтенштейн құрамасының бас бапкері Қазақстанға қарсы ойын туралы: оң нәтижеге жетуге тырысамыз

«Футбол әрдайым нөл деген есеппен басталады. Солтүстік Македонияға қарсы кездесу де дәл осындай 0:0 позициясынан басталған еді. Ол кезде бізге 11 емес 12 ойыншы қарсы тұрған, оларға тағы жел қосылды. Әйтсе де бүкіл жағдай саған қарсы тұрса да, ойынның барысы өзгеруі мүмкін. Ертең бізді Қазақстан сөзсіз фаворит саналатын матч күтуде. Олардың қатарында жоғары кәсіби деңгейде доп тебетін футболшылары бар. Десе де, біз алаңға мүмкіндігіміз мүлде жоқ екен деген оймен шықпаймыз. Біз бапкерлік құрам мен біздің ойыншыларымыз үнемі мүмкін емес дүниелерді іске асыруға ұмтыламыз. Қазақстан әлемдегі ең үлкен, ал Лихтенштейн шағын ел. Алдағы ойында аутсайдер екенімізді түсінеміз, бірақ бұл еңсе түсіруге сылтау болмайды. Өзіміздің ең үздік футболымызды көрсетіп, ойынды жүйелеп, оң нәтижеге жетуге тырысамыз», - деді К. Фюнфштюк. 

Қазақстан ӘЧ-2026 іріктеуінің аясында өзінің екінші кездесуін өткізеді. Бүгін ұлттық команда Лихтенштейнге қарсы кездесу өткізбек. Бұл матч біздің уақытпен 00:45-те басталады.