«Лион» Депайдың орнына «Барселона» шабуылшысын алғысы келеді

"Лион" Мемфис Депайды қысқы трансфер кезеңінде "Барселонаға" сату үшін келісім талаптарын өзгерткісі келеді.

Goal.com хабарлағандай, "Лион" клубы Депайды тегін жіберіп, орнына Антуан Гризманнды алуды жоспарлап отыр. "Барселона" ойыншымен қоштасуға дайын, бірақ француз ойыншысының бұл трансфер туралы не ойлайтыны белгісіз.

Гризманн "Барселонаға" өткен жазда "Атлетикодан" 120 миллион еуроға ауысқан болатын. Бұл маусымда 29 жастағы футболшы Испания чемпионатының 5 матчына қатысып, тиімді әрекеттермен көзге түспеді.

Бұған дейін "Барселона" Депайды қаңтар айында алуға келіскені туралы хабарланған болатын. Сонымен бірге келесі жазда футболшының "Лионмен" келісімшарты аяқталады.