«Барселона» мен «ПСЖ»-ның экс-шабуылшысы Лионель Месси «Алтын доп - 2025» дауыс беруінде париждік клубтың ойыншысы Усман Дембеленің жеңісіне қатысты ойын айтты.
«Ұлы Усман. Құттықтаймын! Сен үшін қуаныштымын. Әбден лайық», – деп жазды 38 жастағы Лионель Месси Франция құрамасы ойыншысының әлеуметтік желідегі жарияланымына.
Еске салайық, өткен маусымда Дембеле Чемпиондар лигасының жеңімпазы атанып қана қоймай, Франция чемпионы болды. Сондай-ақ командасымен бірге ел кубогы мен суперкубогын иеленді.
«Алтын доп» дауыс беруінде екінші орынға каталониялық «Барселона» шабуылшысы Ламин Ямаль жайғасса, үшінші орынға Дембеленің клубтасы, португалиялық Витинья тұрақтады.
