Халықаралық спорттық зерттеулер орталығы (CIES) Ресей Премьер лигасындағы ең қымбат футболшылардың рейтингін жариялады.
Мәскеулік "Локомотивтің” 20 жастағы жартылай қорғаушысы Алексей Батраков тізімде бірінші орынға шықты. Сарапшылар оның трансферлік құнын €41–47 млн аралығында бағалап отыр.
Екінші орынға "ЦСКА"-ның талантты ойыншысы Матвей Кисляк (€32–37 млн), ал үздік үштікті "Зенит" вингері Луис Энрике (€31–36 млн) түйіндеді.
Батраков биылғы маусымда жасындай жарқырап, 11 матчта 10 гол соғып, 2 нәтижелі пас берген. Оның "Локомотивпен” келісімшарты 2029 жылға дейін күшінде.
Айта кетерлігі, CIES бағасы Transfermarkt деректерінен айтарлықтай өзгеше, онда Батраковтың нарықтық құны €12 млн деп көрсетілген. Мұндай айырмашылық әр платформада қолданылатын есептеу әдістерінің ерекшелігіне байланысты.
- CIES Football Observatory
