«Ливерпуль» шабуылшысы екі ай бойы командасына көмектесе алмайды

«Ливерпуль» шабуылшысы Диогу Жота жарақатына байланысты екі ай бойы алаңға шыға алмауы мүмкін.

Record басылымының хабарлауынша, 24 жасар португалиялық футболшы Чемпиондар лигасының соңғы турында «Мидтьюлландпен» болған матчта (1:1) тізесінен ауыр жарақат алған көрінеді. Бастапқыда Жота «Ливерпульдің» алдағы бір-екі кездесуіне ғана қатыспайды деген пікір болды.

Ағылшын Премьер-лигасының ағымдағы маусымында Жота тоғыз матч өткізіп, онда төрт голмен ерекшеленді. Одан бөлек, Чемпиондар лигасындағы алты ойында төрт гол соқты.

Англия Премьер-лигасының 12-турының «Фулхэм» - «Ливерпуль» матчы жексенбі, 13 желтоқсанға жоспарланған. Басталуы Нұр-Сұлтан уақытымен 22:30-да.

«Ливерпульдің» 24 ұпайы бар және ол қосымша көрсеткіштер бойынша ғана «Тоттенхэмнен» кейін, яғни турнир кестесінде екінші орында тұр.