"Барселона" шабуылшысы Луис Суарес мансабын "Атлетико Мадридте" жалғастырады.
Mundo Deportivo басылымының хабарлауынша, 33 жастағы уругвайлық футболшы «матрасшылармен» келісімшарт талаптарын толық келісіп қойған және Мадридтік клуб басшылығымен үнемі байланыста.
Бұған дейін Суареске басты үміткер «Ювентус» екендігі хабарланған болатын, бірақ кейіннен Луис туриндік клубпен келіссөздерді тоқтатты, ал жақында бұл ауысым болмайды деп жарияланды.
Ал Мадридтік "Атлетико" шабуылшысы Альваро Мората "Ювентусқа" ауысады, деп хабарлады Фабрицио Романо.
Дереккөздің хабарлауынша, Альваро 2020/2021 маусым аяқталғанға дейін жалға беріледі. Моратаның орнына "Атлетико" "Барселона" шабуылшысы Луис Суаресті сатып алуды жоспарлап отыр.
Естеріңізге сала кетейік, Альваро "Ювентус" сапында 2014-2016 жылдар аралығында ойнаған. Негізінде "Ювентус" Моратаны емес Эдин Джеконы ("Рома") алуы керек еді. Бірақ белгілі себептермен келіссөздер тоқтап қалды.
Мората "Атлетикоға" 2019 жылдың қаңтарында «Челсиден» 7 миллион еуроға жалға ауысып келген болатын. 2020 жылдың жазында Мадридтік клуб шабуылшыны сатып алды. Трансфер құны 56 миллион еуроны құрады.Өткен маусымда 27 жастағы Мората Испания чемпионатында 34 ойынға қатысып, 12 гол соғып, 2 нәтижелі пас берген.
Біздің серіктес: FONBET
