"Қайрат" - "Реал" (0:5) матчынан кейін Португалиялық футболшы Луиш Мата Aladop.kz сайтының құрылтайшысы Ермұхамед Мәуленнің сұрақтарына жауап беріп, ойын жайлы өз пікірін білдірді.
Луиш Мата:
"Бұл біз үшін өте ауыр ойын болды. Алғашқы таймда 1:0 есебімен аяқталды, бірақ бізде де есеп ашуға мүмкіндіктер болды. Егер "Реалға” қарсы ойында өз мүмкіндігіңді пайдалана алмасаң, жазасы ауыр болады. Екінші таймда төрт гол жібердік – бұл тым көп. Дегенмен әрбір ойыншы үшін үлкен тәжірибе болды. Енді біз алға қарауымыз керек. Келесі қарсыласымыз – Кипрлік "Пафос”. Сол матчта жеңіске жету біздің басты міндетіміз. "Реал” – ұлы клуб, бірақ 5:0 тым ауыр нәтиже деп ойлаймын.
Менің ойымша, "Реал” – әлемдегі ең мықты команда. Мбаппе – өте керемет футболшы, бүгін үш гол соқты. Мұндай деңгейдегі қарсыласқа қарсы ойнау оңай емес. Бірақ біз де сапа мен ынтамызды көрсеттік. Бірінші таймда 1:0 болды, содан кейін біз аздап шаршадық, нәтижесінде бес гол жібердік. Бірақ ең бастысы – біз мұнда тек суретке түсу үшін немесе жейде ауыстыру үшін келген жоқпыз. Біз Қазақстан мен "Қайрат" жанкүйерлеріне жеңіс сыйлау үшін келдік. Барлық жанкүйер лайық, сондықтан келесі ойында бар күшімізді саламыз."
