Бір-екі-ақ күн ішінде Магомед Адиевтің жаңа жұмыс орны белгілі болды. Ресейлік маман енді Грозный қаласының "Ахмат" клубын жаттықтырады.
Бұл туралы "Чемпионат" сайты өзінің сенімді дерек көздеріне сүйеніп мәлімдеген болатын. Қазақстан Ұлттық құрама командасының бапкеріне дейін Грозныйлық команданы былтырғы жылдың тамызынан бері Мирослав Ромащенко жаттықтырып келген. Магомед Мұсаұлы бұған дейін де "Ахматта" жұмыс істеген. Ол кезде бас бапкердің көмекшісі қызметін атқарғаны белгілі.
Естеріңізге сала кетейік, "Ахмат" РПЛ-дің 21 турынан кейін 12-ші сатыда тұр. Грозныйлық клуб қоржынында 20 ұпай.
