"Шахтер" футбол клубының бас бапкері Магомед Адиев "Колоспен" (Украина) болатын матч алдында журналистердің сұрақтарына жауап берді.
- Бірінші кездесу алдында айтқанымдай, бізді қиын ойын күтіп тұр. "Колос" - оңай шағылар жаңғақ емес, ол бірінші ойында көптеген командаларға қиындық туғызатынын көрсетті. Біз оларды өз алаңымызда жеңуге тырысамыз, тек жеңіс үшін ойнаймыз. Біз ертеңгі матчта сәл жоғарыда ойнауға тырысамыз, бірақ тепе-теңдікті ұмытпауымыз керек. Бұл ойында қолданғымыз келетін кейбір тактикалық жоспарларымыз бар.
- Жоспарланған уақыттан 2 күн бұрын ойнайсыздар. Жігіттер соңғы ойыннан кейін қалыпқа келіп үлгерді ме?
- Қарсылас пен біздің жағдайымыз бірдей. Алғашқы матч 5-тамызда болды және Кубоктік ойынды жіберіп алдық, "Колос" та өз ойынын өткізбеді, бұл жағынан мәселе жоқ. Мәселе, бәлкім, басқада шығар: біз көп ойын өткіздік, біздің қарсылас тек төртінші ресми ойынына шыққалы тұр, бұл біз үшін артықшылық болып табылады. Бірақ бәрі футбол алаңында анықталады. Кім фаворит, кім аутсайдер - бұл енді маңызды болмайды. Біздің жігіттер жақсылап дайындалуда. Кеше жаттығу процесінде ойыншылар сәл шаршаңқы көрінді, бірақ бізде әлі бір күн бар.
Біздің серіктес: FONBET
