Магомед Адиев «Химкидегі» алғашқы сұқбатын берді

Ресейлік маман мәскеулік клубтың баспасөз-қызметіне берген сұқбатында команда басшылығының тапсырмасы мен мақсаттары жайлы әңгімеледі.

«Химки басшылығымен серіктестік жөнінде келісімге келе алғанымызға қуаныштымын. РПЛ-дегі орынды сақтап қалу тапсырмасы оңай емес, алайда бар ынта-жігеріммен кірісе отырып, жүктемені орындауға ниеттімін. Футболшылар мен клуб басшылығымен бірлесе ортақ мақсатқа жетеміз деп үміттенемін», - деді М. Адиев.

Айта кетейік, осыған дейін Магомед Мұсаұлы «Атырауды» тізгіндеуі мүмкін делінген. Сондай-ақ, тағы бір ресейлік команда «Пари НН» клубы да Магомед Адиевпен келісімге келуді көздеді.