«Шахтердің» бас бапкері Магомед Адиев Премьер-лиганың алтыншы турында «Таразбен» болған ойынға (1:2) қатысты пікір білдірді.
- Магомед Мұсаұлы, бұл кездесуде жеңіске жету үшін не жетіспеді?
- Жалпы, біз жақсы ойын өткіздік деп ойлаймын. Бірінші таймда жамбылдық клубтың ойынына қарсы реакция жасай алдық, өз нұсқаларымызды іздедік. Біз 100% гол соғатын мүмкіндік жасадық, бірақ пайдалана алмадық. Екінші таймда ойын сәл жақсарғанымен, қарсылас еркін аймақтарды тиімді пайдаланды. Негізінде қарсыластың екі голынан кейін ойын аяқталды. Менің ойымша, бұл сәттерде соңына дейін ойнамадық, сондықтан шешуді қажет ететін мәселелер бар. Матчтың қысқаша мазмұны - сен гол соқпасаң, саған соғады! Жаттықтырушылар құрамын жақсы жасақтаған алаң иелерін жеңісімен құттықтауымыз керек.
- Ойын барысында тактика бойынша нені өзгерткіңіз келді?
– Мұнда көп нәрсе тактикаға байланысты болмады. Бұл алаңда комбинациялық, жылдам ойын көрсету қиын. Ойын басталмай тұрып-ақ жартылай қорғаушылар үлкен мәселеге тап болады деп болжадық. Сондықтан ойынды сергіту үшін ауысымдар жасадық.
Біздің серіктес: FONBET
