Максим Самородов
«Ахматтың» бас бапкері Сергей Ташуев РПЛ-дің 22-турының аясында «Спартакқа» қарсы өткен ойын жайлы пікірімен бөлісті.
Сондай-ақ, грозныйлық клубтың көшбасшы сы Максим Самородовтың өнері туралы да тілге тиек еткен. Қазақстан құрамасының жартылай қорғаушысы премьер-лиганың көктемгі бөлігінде өте жемісті өнер көрсетуде. Мәскеулік командамен ойында Самородов матчты толық ойнап, жоғары баға алған еді.
«Бізде Самородов пен Садуллаев - өте жылдам футболшылар, бірге-бір алдап кете алады. Бір ғана әттеген-ай дейтіні, олар енді ғана өздерінің ұлттық құрамаларынан қайтып оралды. Осы жағдай дұрыс жаттығып, бабына келулеріне өз әсерін тигізген болатын», - деді С. Ташуев.
Максим Самородов РПЛ-24/25 маусымындағы 16 матчта 3 рет мергендік танытып, 2 голдық пас шығарды. Сондай-ақ, Ресей Кубогіндегі 5 ойындағы 2 добы бар. Сондай-ақ, жартылай қорғаушы ӘЧ-2026 іріктеуінде Қазақстан құрамасының сапында Лихтенштейн қақпасына бір гол салып, ассисттің авторы атанған.
Біздің серіктес: FONBET
