"Ақтөбе" футбол клубының шабуылшысы Максим Самородов "Қыранмен" өткен матч туралы пікір білдірді.
- Жеңісің құтты болсын, Макс! Бүгінгі ойын туралы не айта аласыз? Матчтан алған әсерлеріңіз қандай?
- Өте қиын матч. Ұпайға қарап, бұл сенімді және оңай жеңіс сияқты көрінуі мүмкін, бірақ бәрін өзіңіз көрдіңіз. Қарсылас өте ұйымшыл екен. Бірінші айналымда біз оларды жеңе алмадық, сондықтан бүгінгі көңіл-күй ерекше болды. "Қыранды" жеңу біз үшін негізгі міндетке айналды деп айта аламыз. Ия, біз көп қателік жасадық, мүмкін бұл жеңісті серияны ұзартуға деген үлкен ықыластың әсерінен болған шығар. Құдайға шүкір, соңында үш ұпай жинап, мақсатымызға тағы бір қадам жақындадық. Маған сеніңіз, біз барлығымыз ақтөбелік жанкүйерлерді қуанту үшін клубтың ҚПЛ-ге қайта оралуын армандаймыз.
- Бірінші лига матчтарында 2000 жылы туылған ойыншылар алаңға шығуы керек. Бұл ереже жас жігіттер үшін, соның ішінде сіз үшін үлкен мүмкіндік болды...
- Менің ойымша, бұл дұрыс шешім. Жас футболшыларға өзін көрсетуге мүмкіндік бар. Жоғары деңгейде ойнау - үлкен тәжірибе. Ал өзіме келер болсам, менің әлі дамытатын тұстарым көп. Қазіргі кезде ең маңызды нәрсе - команда. Бізде өте мейірімді команда бар, жасы үлкен жігіттер алаңда да, одан тыс жерлерде де көп нәрсені үйретеді. Осындай атмосферада ойнау және жаттығу жасау өте жағымды әсер қалдырады. Мен кез-келген мүмкіндікті пайдалануға тырысамын. Әр жаттығу - бұл сабақ және тәжірибе. Егер менің ойыным командаға пайдалы болса, онда мен өте қуаныштымын!
Біздің серіктес: FONBET
