Максим Самородов
Қазақстан құрамасы мен грозныйлық «Ахматтың» жартылай қорғаушысы Максим Самородов РПЛ-дің 24-турында «Ростовқа» қарсы кездесуде көзге түсті - 67-минут (2:0).
Алаң иелері маңызды матчты 2:1-мен жеңіп турнирлік кестедегі жағдайын жақсартып алды.
Бұл 23-жастағы футболшының грозныйлық команда жейдесіндегі Ресей премьер-лигасында өткізген 18 кездесуіндегі 4-добы. Ал жалпы, барлық турнирлердегі 24 ойында 6 рет мергендік танытты.
Танымал Candidate_Kairov телеграмм-арнасы М. Самородовтың өнері жайлы мынадай жазба қалдырған болатын;
Максим Самородовтың «Ахмат» сапында соққан кезекті голын қараңыздар. Қандай керемет!
Енді осылай жазда құрама сапында соқса екен.
Айтпақшы, осы көктемде бірнеше топ-клуб «Ахматқа» Макстың трансфері жайында ресми ұсыныс жасаған еді, бірақ грозныйлық ұжым оны қарастыруға дайын емес екенін жеткізді».
Максим Самородовқа мәскеулік топ-клубтар мен «Краснодар» қызығушылық танытқан мәлім. Бірақ, грозныйлық команда қазақстандық жартылай қорғаушыны жіберуге құлықты еместігін анық аңғартты.
Біздің серіктес: FONBET
