Қазақстан құрамасының және Грозныйдың «Ахмат» клубының ойыншысы Максим Самородов Ресей Премьер-лигасындағы ең жылдам ойыншылар тізімінде екінші орынға жайғасты.
Максим сағатына 33,23 км жылдамдық көрсеткішімен үздіктер қатарынан көрінді. Бірінші орында оның «Ахматтағы» әріптесі Лечи Садулаев (33,26 км/сағ). Үздік үштікті «Рубин» ойыншысы Дардай Шабаханджай (33,19 км/сағ) түйіндеді.
Айта кетейік, осы маусымнан бастап Самородовтың командасын Қазақстан құрамасының бұрынғы бас бапкері Станислав Черчесов жаттықтырады.
