"Манчестер Сити" шабуылшы Серхио Агуэромен жаңа келісімшарт туралы келіссөздерді әлі бастаған жоқ. 32 жастағы аргентиналық футболшының "қала тұрғындарымен" келісімі 2021 жылдың жазында аяқталады.
Агуэрода мансабын жалғастырудың түрлі нұсқалары бар. Алайда, ойыншы ең алдымен "Манчестер Ситидің" ұсынысын тыңдағысы келеді. Бұған дейін хабарланғандай, "Барселона" Лионель Мессиді командада қалдыру үшін Агуэроны қатарға қосуы мүмкін, ал Серхионың өзі каталондық клубқа ауысуға қарсы емес.
Осы маусымда Агуэро "Манчестер Сити" сапында тек 5 ойын өткізді (0 гол), өйткені ол ұзақ уақыт бойы жарақатына байланысты алаңға шыға алмады, оның үстіне коронавирус жұқтырып алған болатын.
"Манчестер Сити" өз кезегінде "Интер" шабуылшысы Ромелу Лукакуға қызығушылық танытып отыр. 27 жастағы бельгиялық шабуылшының трансферлік құны Лионель Месси, Килиан Мбаппе, Эрлинг Холланд және Харри Кейн сияқты шабуылшыларға қарағанда арзан болып саналады.
Сонымен бірге "қалалықтар" "Саутгемптон" шабуылшысы Дэнни Ингсті сатып алуды ойластыруда, деп хабарлайды The Athletic. Ингс "Саутгемптон" клубымен келісімшартты ұзартудан бас тартып отыр.
