“Ағылшын кубогының” 1/4 финалындағы “Борнмутпен” өткен сырт алаңдағы ойында “Манчестер Сити” 2:1 есебімен жеңіске жетті.
Матчтағы алғашқы голды 21-минутта “Борнмут” ойыншысы Эванилсон соқты. Алайда, “Сити” екінші таймда қарқынды ойын көрсетіп, 49-минутта Эрлинг Холанд есепті теңестірді. Ал 63-минутта Египеттік шабуылшы Омар Мармуш жеңіс голын соқты.
Айта кетейік, кездесудің 14-минутында Холанд пенальти соға алмады.
Өзбекстан ұлттық құрамасының қорғаушысы Абдуқодир Хусанов бұл матчта “Манчестер Ситидің” негізгі құрамында алаңға шығып, үзілісте Нико О’Райлиге орын берді.
Хусанов биылғы маусымда Манчестер Сити сапында Англия кубогында екі матч өткізіп, бір гол соққан. Сонымен қатар, ол АПЛ-да алты ойында, Чемпиондар лигасында бір матчта өнер көрсетті.
Өнер Айболат
Біздің серіктес: FONBET
