«Манчестер Сити» ресми сайтында «Борнмут» қорғаушысы Натан Акенің ауысқандығы туралы хабарлады. 25 жастағы футболшының «қала тұрғындарымен» келісімшарты бес жылға жасалған.
"Манчестер Ситиге" ауысқаныма қуаныштымын. Хосеп Гвардиола - бүкіл әлемге танымал бапкер. Оның футболдағы жетістіктері айтпаса да белгілі. Маған оның ойын стилі ұнайды", - деді Аке.
Натан 2016 жылдан бері "Борнмуттың" намысын қорғады. Алдымен бұл клубта «Челсиден» жалға барып ойнады, содан кейін «Борнмут» ойыншыны сатып алды. Англия Премьер-лигасының соңғы маусымының қорытындысы бойынша команда турнир кестесінде 18-ші орынға ие болды және Чемпионшипке ұшты. Футболшы АПЛ-де 29 матчқа қатысып, 2 гол соғып, 2 голдық пас берді, 2 сары қағаз алды.
Біздің серіктес: FONBET
