Норвегияға қарсы матчты бастапқы құрамда бастап, ойынның соңына дейін өзін жақсы қырынан көрсеткен Марат Быстровқа Федерация тарапынан арнайы статуэтка табысталды (0:0).
“Астананың” қаптал қорғаушысы кеше қолды-аяққа тұрмайтын Антонио Нуса мен Феликс Мюренің қауіпті шабуылдарына тосқауыл бола алды. Flashscore порталы Быстровты 7,1 баллдық жүйемен бағалады.
Қаптал қорғаушы Қазақстан жейдесінде барлығы 31 ойын өткізді.
Айта кетейік, ел құрамасы Ұлттар Лигасындағы келесі кездесуін өткізу үшін Словенияға аттанды. Біздің жігіттер 9 қыркүйекке дейін Люблянада дайындығын пысықтайды.
