22 жастағы Франция құрамасының шабуылшысы Килиан Мбаппе ПСЖ клубының басшылығына жаңа келісім-шартқа қатысты өзінің талаптарын қойды, деп хабарлайды AS басылымы.
Осылайша, жарияланған ақпаратқа сәйкес, Мбаппе Неймар мен ПСЖ арасындағы келісімге сәйкес келетін, жылдық жалақысы 35 миллион еуродан кем емес келісім-шарт талап етті. Париждіктердің бұл шарттарды орындауы екіталай және Мбаппені келесі жазда сатуы мүмкін. Сондай-ақ ПСЖ шабуылшыны сату арқылы кем дегенде 200 миллион еуро алғысы келеді.
Футболшыға басты үміткерлер - «Барселона» мен «Реал Мадрид», олар Килианның трансферлік құнын 150 миллион еуроға дейін төмендетуге тырысады. Өз кезегінде «Манчестер Сити» клубтағы жалақы құрылымын бұзғысы келмей, Мбаппе үшін болатын жарысқа қатысудан бас тартты.
