Лионель Месси және "Интер Майами" командасы MLS Кубогының финалында "Ванкувер Уайткэпс" клубын 3:1 есебімен жеңіп, тарихындағы тұңғыш чемпиондық атаққа қол жеткізді, деп хабарлайды Aladop.kz.
Жеңістен кейін Месси:
"Өткен жылы біз лигадан ерте шығып қалдық және бірінші раундта жеңілдік. Биыл MLS жеңісі біздің басты мақсаттарымыздың бірі болды. Команда орасан зор күш салды – бұл көп матч ойналған өте ұзақ жыл болды – және біз өз міндетімізді орындай алдық".
"Интер Майами" лиганың 30 жылдық тарихында MLS чемпиондығын жеңіп алған 16-шы команда атанып отыр.
Трофейді табыстау рәсімінде MLS комиссары Дон Гарбер: "Олар Америкада футбол ешқашан дамымайды деді. "Интер Майами” жанкүйерлері, футбол дамыды ма?" – деп үн қатты.
Бұл команда месі Дэвид Бекхэмнің 12 жылдық арманының орындалуы. Ол 2013 жылы ойыншы ретінде зейнетке шыққанда, оның MLS келісімшарты мансабы аяқталғаннан кейін жеңілдетілген бағамен команда құруға мүмкіндік берген. Бекхэм Майамиді таңдады, бірақ команда құруға жылдар кетті. Команда ресми түрде 2018 жылы Хосе Маспен біріккеннен кейін ғана құрылды.
Команда ойындарын 2020 жылы бастады, ал Месси 2023 жылғы маусымның ортасында келді. Ол кезде "Интер Майами" MLS-те соңғы орында тұрған еді.
Бұл кубок Мессидің мансабындағы 48-ші жүлдесі болып, оның жаһандық ерлер футболындағы рекордын ұзарта түсті.
