Лионель Месси мансабында жаңа белесті бағындырды. Аргентина жұлдызы 2026 жылғы Әлем чемпионатының Оңтүстік Америкадағы іріктеу кезеңін үздік сұрмерген ретінде аяқтады.
Мессидің еншісінде 8 гол бар. Бұл – 1996 жылдан бері реформа енгізілгеннен кейінгі үздік сұрмерген үшін ең төменгі нәтиже. Соған қарамастан, дәл осы көрсеткіш Мессиді турнирдің көшбасшысы етті.
Месси бұған дейін көптеген рекордтарды жаңартқанымен, дәл осы жетістік оның мансабындағы алғашқысы. Ол Аргентина құрамасын тағы бір мәрте көшбасшы ретінде іріктеудің алдыңғы шебінде алып шықты.
