Кеше түнде аталмыш турнирдің 1/8 финалының жауапты матчы болған. «Интер Майами» өз алаңында «Нэшвиллді» қабылдап, 3:1 есебімен басым түсті. Сонымен қос ойынның қортындысында ширек финалға Лионель Мессидің командасы шығып отыр. Бірінші матч 2:2 есебімен аяқталған.
Форт-Лодердейл қаласындағы қарымта бәсекеде Лионель Месси мен Луис Суарес нәтижелі өнер көрсетті. Аргентиналық футболшы мен Уругвайлық шабуылшының еншісінде 1 гол мен голдық пас. Айта кетейік, КОНКАКАФ Кубогінің ширек финалында «Интер Майами» «Монтеррей» - «Цинцинатти» жұбының жеңімпазымен жолығады.
