Михаил Габышев «Шахтерға» қайтып оралды

Қазақстан құрамасының футболшысы ҚПЛ-2024-те семейлік команда қатарында 12 ойынға қатысып, бір рет мергендік танытқан болатын. 

Өскемен футболының түлегі мансабының тоғыз жылын «кеншілерге» арнаған еді - 2012-2018 және 2021-2022 жылдар аралығында қарағандылық клуб қатарында доп тепкен. «Шахтер» жейдесінде Қазақстан премьер-лигасын ұтып, ел Кубогі және Суперкубогінің иегері болды. Жалпы, ҚПЛ аясында 195 бәсекеде бой көрсетіп, 9 гол соғып, 10 ассист жасаған. Мансабында «Шахтер», «Астана», «Каспий» және «Атырау» намысын қорғады. 

35-жастағы ойыншы былтыр ұлттық команда жейдесінде Әзербайжан және Армения құрамаларына қарсы матчтарда өнер көрсетті. Қазақстан құрамасының сапында жалпы саны 12 ойында доп теуіп, 1 доп соққан. Футболшының қазіргі нарықтық құны 100 мың еуро.