«Милан» Бельгия құрамасының жас шабуылшысын сатып алмақ

11.07.2022 20:40 А сериясы

Италия чемпиондары ақшадан бөлек, үш ойыншысын ұсынған екен.

«Милан» Бельгия құрамасының жас шабуылшысын сатып алмақ

«Милан» «Брюгге» шабуылшысы Шарль де Кетелареге қызығушылық танытып отыр. Италиялық клуб 21 жастағы футболшы үшін 25 миллион еуро, сондай-ақ академиясынан шыққан үш ойыншыны - Эмиль Робак, Андрей Кубич және Андреас Юнгдалды ұсынды. Бұл туралы журналист Николо Скира хабарлады.

Дереккөздің айтуынша, Италия чемпионы бельгиялық шабуылшыға маусымдық жалақысы 2,7 миллион еуроны құрайтын бес жылдық келісім-шарт ұсынуға дайын.

Де Кетеларе - «Брюггенің» түлегі. 2021/2022 жылғы маусымда Шарль 49 матчта 18 гол соғып, 10 нәтижелі пас берді. Оның клубпен келісім-шарты 2024 жылы аяқталады. 2020 жылдың қарашасынан бастап Де Кетеларе Бельгия құрамасына шақыртылуда (8 ойын, 1 гол).

0 пікір