"Манчестер Юнайтедтің" жартылай қорғаушысы Поль Погбаның агенті Мино Райола футболшының болашағы туралы айтты.
"Погба мен "Манчестер Юнайтед" арасындағы байланыс аяқталды деп айта аламын.
Поль клубтағы жағдайға наразы, өйткені ол енді өзін толық көрсете алмайды және одан күткен сенімді де ақтай алмайды. Погбаға жаңа команда керек. Поль сол кезде таза ауадан тыныс алған адам сияқты болады. Оның келісімі тағы 18 айға жарамды - келісім 2022 жылдың жазында аяқталады.
Алайда, біз үшін де, "Манчестер Юнайтед" үшін де келесі трансферлік терезеде басқа клубқа ауысу дұрыс шешім болар еді деп ойлаймын. Егер бұл орын алмаса, клуб оны тегін жоғалту қаупі бар екенін біледі, өйткені Погба келісімшартты ұзартқысы келмейді. Қалай болғанда да, егер Поль кетсе, барлығы мені кінәлайды", - деді Райола Tuttosport сайтына берген сұхбатында.
Мино Райола Поль Погбаның "Ювентусқа" қайта оралуы мүмкін екенін де жасырмады.
Поль Погба 2016 жылдың жазында Туриндік "Ювентустен" "Манчестер Юнайтедке" 105 миллион еуроға ауысқан болатын.
Біздің серіктес: FONBET
