«Қайраттың» гамбиялық шабуылшысы Момоду Сисей алаңға келесі айда оралады. Бұл туралы Сисей «Қайрат» - «Тобыл» (4:0) матчынан кейін «PROСПОРТ» тілшісіне айтты.
- Қазір өзімді жақсы сезінемін, - деп бастады Сисей. – Әрине, маусымның басында осындай жарақат алғаным өкінішті. Менің денсаулығыма алаңдап жатқандарыңыз үшін рахмет. Қазақстан Суперкубогы-2015 матчында алған жарақатымның кесірінен ұзақ уақыт алаңға оралмаймын деп ойлап едім. Қазір емделіп жатырмын, айығу жұмыстары жүруде. Екі аптадан соң немесе бір айдан соң алаңға ораламын деп ойлаймын.
