"Ұлытаудың" бұрынғы қорғаушысы Ярослав Терехов Польшаның төртінші дивизионында өнер көрсететін "Авиа" клубына ауысу себебін түсіндірді, деп хабарлайды Aladop.kz.
Тереховтың сөзінше, бұл таңдау тек спорттық қана емес, сонымен қатар мансаптық өсу мүмкіндігіне негізделген.
"Бұл — алдына үлкен мақсаттар қойған өршіл клуб. Мұнда жұмыс істеуге және кәсіби тұрғыдан шыңдалуға барлық жағдай жасалған. Клуб тарапынан нақты қызығушылық болды, ал келісімшарт талаптары көңілімнен шықты. Польша — футбол деңгейі жоғары Еуропалық мемлекет, сондықтан осы елдің ішінде әрі қарай ілгерілеуге жақсы мүмкіндік бар.” — деді футболшы Legalbet.kz тілшісіне берген сұхбатында.
