Неймар әлемдегі ең қымбат футболшылардың тізімінде көш бастады

Футболдағы спорттық зерттеу орталығы (CIES Football Observatory) әлемнің ең қымбат футболшыларының тізімін жасады. Бұл туралы Vesti.kz хабарлады. Бұл тізімді «Барселона» мен Бразилия құрамасының шабуылшысы Неймар бастап тұр. Ұйым бұл ойыншының трансферін 210,7 миллион еуроға бағалап отыр. Екінші орында лондондық «Тоттенхем» ойыншылары Деле Алли (155,1 миллион еуро) және Харри Кейн (153,6 миллион еуро). Ал «Алтын допты» бес рет иеленген атақты Лионель Месси 151,7 миллион еуромен төртінші орында. «Реал» және Португалия құрамасының ойыншысы, Еуропа чемпионы және Чемпиондар лигасының қазіргі чемпионы Криштиану Роналду (112,4 миллион еуро) он бірінші орынды қанағат тұтты.