"Зенит" пен Қазақстан құрамасының қорғаушысы Нұралы Әліп жас талант Дастан Сәтпаевтың болашағына қатысты өз ойын білдірді, деп хабарлайды Aladop.kz.
"Қазақтың Агуеросы"
Нұралының айтуынша, Дастанның ойын өрнегі әлемдік футбол аңызы Серхио Агуероны еске түсіреді.
"Дастанның бойы аласа болғанымен, ол өте жылдам әрі епті. Дене бітімін тиімді пайдаланып, допты қарсыластан шебер жасыра алады. Оның мінезі мен қабілеті оны үлкен биіктерге жетелейтініне сенімдімін. Әрбір қазақ баласының Еуропаның топ клубтарында ойнап, биік белестерді бағындырғанын қалаймын. Дастанның болашағынан зор үміт күтемін."— деді Нұралы Әліп.
