Нұралы Әліп "Зенит" сапында
«Зениттің» бас бапкері Сергей Семак Нұралы Әліптің жарақаты жайлы айтты.
Қазақстан құрамасының қорғаушысы шамамен бір айдан кейін қатарға қосылады деп күтілуде.
«Қазір ол лангетка киіп, балдаққа сүйеніп жүр. Жарақатынан айығып кетуіне үш немесе төрт апта жетіп қалар деп үміттенемін. Үзілістен кейін жаттығуға қайтып оралады», - деді С. Семак.
Естеріңізде болса, Нұралы РПЛ-дің 17-турында «Крылья Советовқа» қарсы ойынның 82-минутында жарақат алып қалған еді (2:3). Қазақстандық футболшы биыл питерлік клуб сапында 12 ойында 1 гол соғып, бір нәтижелі пас берді. Ақтау футболының түлегі «Зенитке» дейін «Қайрат» жейдесінде доп тепкен.
Біздің серіктес: FONBET
