Кеше Қазақстан Ұлттық құрама командасының қорғаушысы Санкт-Петерборлық команданың сапындағы өзінің 50-кездесуіне қатысты. Бұл Ресей кубогының ширек финалындағы «Динамоға» қарсы матч болатын.
Әліптің клубы Мәскеулік команданы 2:0 есебімен ұтып, келесі кезеңгі шықты. Бірінші бәсекеде «Динамо» басым болған (1:0). Сөйтіп қос кездесудің қортындысы бойынша (2:1) жартылай финалға «Зенит» шығып отыр. Айта кетейік, Нұралы Әліптің 50-кездесуіне байланысты «Зениттің» баспасөз қызметі қорғаушыны әлеуметтік желі арқылы «Мерейтойың құтты болсын!» деп құттықтаған болатын.
