Нұралы Жақсылық
«Астананың» жас жартылай қорғаушысы Нұралы Жақсылық Конференциялар лигасының іріктеу кезеңінде «Лозаннаға» қарсы өткен ойында (0:2) алаңға шығып, матчтан кейін Vesti.kz тілшісіне пікір білдірді. Ол жанкүйерлердің қолдауына алғыс айтып, маусымдағы негізгі мақсатты атады.
Жақсылық 72-минутта Марин Томасовты алмастырып, екі соққы жасап, сегіз дәл пас берді. Дегенмен, есепті өзгерту мүмкін болмады.
– Әр минутты тиімді пайдалануға тырысамын. «Астанада» бала кезімнен ойнап келемін, бұл клуб үшін барымды саламын, – деді ол.
Футболшының айтуынша, алдағы мақсат – Қазақстан Премьер-лигасында жеңіске жету.
– Бізді сегіз ойын күтіп тұр, әрқайсысына финал ретінде дайындаламыз, – деп түйіндеді ол.
Айта кетейік, Нұралы Жақсылық биыл 14 матчқа қатысып, екі гол мен екі нәтижелі пас берді. Соңғы үш маусымда алты еурокубок ойынында алаңға шыққан.
