Қазақстан Премьер-Лигасының 19-туры Көкшетауда «Оқжетпес» пен Семейдің «Елімай» кездесуімен басталды.
Осы турда көпшілік асыға күткен ойынының бірінші таймында есеп ашылмады. Барлық жайттар екінші таймда тіркелді. 54-минутта Дәурен Жұмат алаң иелерін алға шығарды. Әйтсе де, көкшетаулықтар басымдықты сақтап қала алмады. Қонақтар 66-минутта пенальти орындауға мүмкіндік алып, Ғалымжан Кенжебек тараз басын теңестіріп кетті. Есеп: 1:1.
Енді екі клубтың да еншісінде 29 ұпай бар.
«Оқжетпес» — «Елімай» 1:1 (0:0)
Голдар: Жұмат 54 (1:0), Кенжебек (пенальти) 66 (1:1)