«Оқжетпес» тәжірибелі шабуылшымен келісімге келді

«Оқжетпес» осы мақсатта алғашқы трансферлерінің бірін жүзеге асырмақшы. Соның бірі - Шоқан Абзалов. Қызылорда футболының түлегі былтыр «Қызыл-Жар» сапында өнер көрсеткен еді. Петропавлдық клуб жейдесінде 18 ойынға қатысып, бір голдық пас берген. 31-жастағы ойыншы өзінің мансабында сондай-ақ, «Қайсар», «Тұран» және «Байқоңыр» намысын қорғаған. Абазалов 2018/2019-жылғы маусымда «Қайсармен» Қазақстан Кубогі жолында топ жарды. Жалпы, Қазақстан премьер-лигасында 106 матчқа қатысып, 11 доп соғып, 3 ассист берген.

Айта кетейік, Шоқан Абзалов осыған дейін де көкшетаулық клуб сапында өнер көрсеткен  – 2022/2023-жылғы маусымда 21 ойынға қатысып, 2 рет мергендігімен көзге түсті.