Ресейдің «Чайка» футбол клубы мен Қазақстан жастар құрамасының жартылай қорғаушысы Рамазан Оразов жаңа командадағы алғашқы сұхбатын берді. 22 жастағы жартылай қорғаушы тағы бір маусымға ұзарту мүмкіндігімен екі жылдық келісімшартқа қол қойды.
«Чайка» Ұлттық футбол лигасында (ФНЛ) ойнайды - бұл Премьер-Лигадан кейінгі екінші дивизион болып табылады. Бес турдан кейін команда 22 команданың ішінде 16-шы орынға тұрақтады.
«Мен командаға қосылғаныма өте қуаныштымын. Жаттықтырушылар құрамына, клубқа сенім білдіргендері үшін алғысымды білдіргім келеді. Мен бар күшімді салып, клубқа пайдамды тигізуге тырысамын. "Чайка" жанкүйерлеріне бір нәрсе айтқым келеді - келіп бізді қолдаңыздар!
Өткен жылы мен «Чайкаға» қарсы ойнадым. Бұл менің «Қайрат» үшін алғашқы ойыным болды. Мен ол кезде негізгі құрамда шықтым. Бұл мен үшін ерекше ойын болды. Кездесу «Чайка» клубының допты жақсы иеленуімен, белгілі бір ойын мәнері және өзіндік стилімен есте қалды. Мен командаға тез бейімделемін деп үміттенемін.
Мен бұл клубтың қызығушылығы туралы «Даугавпилсте» жүргенде білдім. «Ригаға» қарсы ойыннан кейін мені агент шақырды, мен, әрине, ФНЛ-де өзімді көрсетудің осындай керемет мүмкіндігіне ие болғаныма қуандым. «Чайка» мен «Қайраттың» академия құру және өзіндік имидж тұрғысынан ұқсас ойлары бар. Артықшылығы - олар тәрбиеленушілерін ойнатып, содан кейін оларды үлкен клубтарға сатады, өздерінің атын шығарады.
Мен Аршавинмен «Қайратта» көп уақыт өткізе алмадым. 2018 жылы мен «Қайрат» сапында таза қазақстандық құраммен ойнаған кубоктық матчтарда ойнадым, ал Аршавин бізбен ойнаған жоқ. Мен онымен жаттықтым, бірақ онша жақын араласпадым және оның ешбір әзілі есімде жоқ. Ол Эсеола және одан үлкен ойыншылармен көбірек сөйлесті. Мен ауысқаннан кейін көптеген қазақстандықтар "Чайка" футбол клубының ойынын бақылайды деп үміттенемін», - деді Оразов.
Біздің серіктес: FONBET
