"Ордабасы" - "ЦСКА" кездесуі
Андрей Мартин жуырда болған «Ордабасы» - «ЦСКА» арасындағы жолдастық кездесу жайлы пікірін айтты.
Естеріңізде болса шымкенттіктер оқу-жаттығу жиындарының барысындағы алғашқы бақылау бәсекесінде мәскеулік клубтан 0-3-пен ұтылып қалған болатын.
«Өткен матчты қортындылап айтар болсам, ойын өрнегін ұйымдастыру мен тактикалық нұсқамаларды ұстану тұрғысынан командаға ешқандай өкпе жоқ. Алайда, қарсылас ұтымды пайдаланып кететіндей қателіктер жасадық. Опонент деңгей жағынан өте мықты және жарты алаңымызда доптан айырылғанда бізді бірден жазалап отырды. Алғашқы екі гол шабуылдағы қателіктеріміздің салдары. Болашақта мұндайға жол бермеу керек, оқу-жаттығу жиындарында осымен жұмыс істеудеміз. Бір жағынан мұндай өрескел қателіктерді жарыс кезінде емес, қазір жібергеніміз де дұрыс. Сондықтан, бұл бәсекеден көп ақпарат алдық деуге болады. Ойынның екінші жартысында командадағы барлық жастар өзін көрсетуге мүмкіндік алды. Олардың қарым-қатынасы мен талпынысы көңілден шықты.
Матчтың нәтижесіне әрине қанағаттанбадық, десе де, тауымыз шағылып тұрған жоқ. Команда процесс барысында, жұмыс үстіндеміз. Бізге сапалы футболшылар қажет, басшылық та бұдан хабардар. Дұрыс шешім қабылдап, бәсекелестікке төтеп беретіндей ұжым жасақтаймыз деп күтемін, - деді молдовалық маман.
Айта кетейік, шымкенттік ұжым былтыр ҚПЛ-ді төртінші орынмен аяқтап, еурокубоктерге жолдама алды. Нақты айтсақ, Конференциялар Лигасының іріктеу кезеңдерінде ел намысын қорғайтын болады.
Біздің серіктес: FONBET
