“Орталық” стадионды кім иеленбек? Aрена мәселесі белгілі болды

ЖаркОFF телеграм арнасының хабарлауынша, биылғы чемпионаттың алғашқы кезеңінде Алматының "Орталық” стадионын өз үйі ретінде пайдалануға тек екі клуб ниет білдірген.

Стадионды жалға алуға өтініш берген командалардың тізімі мынадай:

1. "Қайрат": Алматылық клуб үшін бұл дәстүрлі мекен болғандықтан, бұл шешім ешкімді таңғалдырмайды.

2. "Алтай": Биыл Премьер лигаға жолдама алған Шығыс Қазақстан облысының командасы маусымның бастапқы бөлігін Алматыда өткізуді жөн көрген.

Чемпионаттың жеребесі өте қызық жағдайды туғызып отыр. 2026 жылғы маусымның 1-турында бұл екі ұжым дәл осы стадионда өзара кездеседі.

Ойын Алматыда өткеніне қарамастан, ресми хаттама бойынша "Алтай" командасы алаң иесі мәртебесінде болады. Демек, Өскемендіктер "Қайратты” өз үйінде қабылдағандай болмақ.