Елордалық ұжым қазақстандық клубтардан алғаш болып Еуропа Лигасының 1/16 финалына жолдама алған болатын, деп жазады Аладоп.кз.
“Маккаби” Тель-Авив, “Славия” Прага және “Вильярреал” ұжымдарымен А-тобына түскен “Астана” топтық кезеңнің 6-тур қорытындысы бойынша 10 ұпай жинап, 1/16 финалға жолдама алды. Плей-офф кезеңінде өкінішке орай, Стойлов жігіттері лиссабондық “Спортингтен” айласын асыра алмады. Қос ойын қорытындысы бойынша “сары-көктер” 4:6 есебімен есе жіберді. Сол сәттен бері “Астананың” еурокубоктегі жолы болмай келеді.
Айта кететіні, 2024/25 жылғы еурокубоктік маусымды елордалық команда Конференция Лигасында бастайды.
